NI KWELI YASSER ARAFAT ALIUWAWA KWA SUMU YA POLONIUM?

     Wanasayansi wa Uswisi wametoa ripoti ya uchunguzi wao jana kuhusiana na kifo cha aliyekuwa kiongozi wa Palestine Liberation Organisation (PLO) Yasser Arafat kilichotokea tarehe 11 Novemba,2004.

    Wachunguzi hao wamesema mabaki ya mwili wa Yasser Arafat yamekutwa na kiwango kikubwa cha mionzi ya polonium ambayo ni sumu na inaathari kubwa kwa mwili wa mwanadamu.Lakini hawajaweka bayana kuwa sumu hiyo ndio sababu iliyopelekea umauti kwa kiongozi huyo.

    Kutokana na taarifa hiyo kunaonesha kuwa kifo cha mwanaharakati huyo huenda kilipangwa kwa makusudi na majasusi ili kumuangamiza ingawa bado kuna utata ni wakati gani njama hizo zilifanyika kwa bwana Arafat.

   Taarifa za awali za kifo chake kabla ya uchunguzi huo kufanyika zilisema,Yasser Arafat  alikufa kwa ugonjwa wa shinikizo la damu huku Wapalestina nao wakidai kuwa Waisrael wamemuua Arafat kwa kumuwekea sumu.

   Kwa sasa bado nchi mbalimbali duniani hazijatoa matamko yao kuhusiana na ripoti hiyo ya uchunguzi toka kwa Wanasayansi hao wa Uswisi.