JAHAZI LA AZAM ALMANUSRA LIZAME MBELE YA MBEYA CITY.

Timu ya Azam ya Chamazi Jijini Dar es Salaam na timu ya Mbeya City ya Mbeya  jana zimemenyana vikali katika mchezo wa Ligi Kuu ya Vodacom Tanzania Bara katika uwanja wa Chamazi Complex uliopo nje kidogo ya jiji la Dar es Salaam na kutoka sare ya mabao 3-3

   Kwa ushindi huo timu zote mbili zimefikisha pointi 27 hivyo Azam imekuwa ya pili katika ligi ikiipiku Mbeya City kwa wastani wa magoli ya kufunga na kufungwa hivyo Mbeya City kushika nafasi ya tatu na Yanga FC kuongoza ligi kwa kuwa imefikisha pointi 28 baada ya kuifunga JKT Oljoro 3-0.

   Mabao ya Azam yamefungwa na Humphrey Mieno dakika ya 13,John Bocco(Adebayor) dakika ya 60 na Kahmis Mcha(VIalli) dakika ya 83 na mabao ya Mbeya City yote matatu yamefungwa na Mwagane Yeya(Morgan) dakika ya 30,52 na 73.

   Baada ya Mbeya City kufunga bao la tatu dakika ya 73 na kuongoza kwa mabao 3-2 kuliwafanya   Azam wachanganyikiwe na kujihisi wanalala katika uwanja wao wa nyumbani hivyo walipigana kufa na kupona na kusawazisha bao bao hilo dakika ya 83 zikiwa zimebaki dakika 7 tu kabla ya mpira kwisha.