WEMA AWAFUNGUKIA BONGO MOVIE BAADA YA KUMSUSIA MSIBA WA BABA YAKE MZAZI.

Wema Sepetu akielekea makaburini peke yake bila hata mpambe mmoja wa

 Bongo Movie kuwa pembeni yake kumsindikiza wakati wa mazishi huko Zanzibar.

     Hatimaye Wema Sepetu ambaye alikuwa  Miss Tanzania 2006 na Msanii wa Bongo Movie kwa sasa amefunguka na kuzungumzia hatua ya wasanii wenzake wa Bongo Movie kumsusia msiba wa baba yake mzazi Balozi Issac Abrahamu Sepetu siku chache zilizopita.Amesema amesikitishwa sana kwa kitendo hicho na kusema kimesababisha alie mara mbili kwanza kwa kufiwa na baba yake na pili kwa kutoonekana kwa wasanii wenzake msibani.

   Wema kwa hali ya masikitiko amewaambia wasanii wenzanke kuwa wangekuja kwanza wakamfariji kwa kumzika baba yake na kasha kwa yale makosa yake aliyofanya wangemuita na kumuambia ili ajirekebishe.Hata hivyo amejifariji kwa kusema kuwa pamoja na kutokuja kwao hawajampunguzika kitu.

    Nao wasanii wa Bongo Movie wakizungumzia hali hiyo wamesema hilo ni kama fundisho kwa mlimbwende huyo.Wamedai amekuwa na tabia mbaya ya kutohudhuria katika misiba ya wasanii wenzake wakitoa mfano kuwa Wema hakuhudhuria msiba wa marehemu Sajuki,msanii Dude naye alilalamika kutokumuona Wema alipofiwa na mama yake mzazi na hata hakuja kutoa pole.Mbali na Dude naye Steve Nyerere alimlalamikia msanii huyo kwa kutoonekana katika msiba wa mtoto wake.

    Wasanii pekee wa Bongo Movie waliojitokeza kwenye msiba huo ni Yobnesh Yusuph "Batuli",Elizabeth Michael "Lulu", Kajala Masanja,Mahsein Awadhi"Dokta Cheni,Salumu Mchoma "Chiki" na Jaqueline Wolper.