HALIMA MDEE AIBANA SERIKALI BUNGENI.

 

    Mbunge wa Kawe  kwa tiketi ya  CHADEMA Halima Mdee amewaka jana ndani ya Bunge kuhusu sintofahamu inayojitokeza kwa Wizara ya Elimu na Ufundi Stadi kuhusiana na alama za ufaulu kwa wanafunzi wa kidato cha nne ambao wapo kwenye mitihani yao katika kipindi hiki.Hali hiyo ya sintofahamu inakuja kutokana na maelezo tofauti yanayotolewa na Wizara hiyo kuhusiana na marekebisho ya alama za ufaulu kwa wanafunzi wa kidato cha nne.

    Taarifa za awali zilizotolewa na Katibu Mkuu wa Wizara hiyo zilieleza kuwa daraja la sifuri limefutwa kabisa kwa kidato cha nne na kutakuwa na daraja la tano.

    Lakini katika kipindi cha maswali na majibu Bungeni juzi Mbunge Viti Maalum (CCM) Catherine Magige aliuliza kuhusiana na kufutwa kwa daraja sifuli ni kama njia ya kuwaokoa wanafunzi wanaofeli kidato cha nne.Naibu Waziri Philipo Mahugo alijibu kuwa Wizara haijafuta daraja sifuli madaraja yaliyopo ni la kwanza,la pili,la tatu,la nne na la sifuli.

    Kutokana na kauli hiyo ya Naibu Waziri juzi imepelekea Mbuge Halima Mdee kuomba ufafanuzi jana Bungeni kwa kudai maelezo yanayotolewa Bungeni hapo yana tofauti kubwa na maelezo kutoka kwa Katibu wa Wizara hiyo,hivyo kuna uongo katika taarifa hizi na kama Naibu Waziri amelidanganya Bunge anaomba muongozo juu ya hatua zitakazochuliwa kwake. Hali hiyo ilimfanya Waziri wa Nchi Ofisi ya Waziri Mkuu Willium Lukuvi aingilie kati na kutoa ufafanuzi kuwa anachozungumza Waziri ndio kauli sahihi ya Serikali na siyo Katibu Mkuu wa Wizara lakini kama Serikali watalifanyia kazi na kuja na kauli ya Serikali.

        Naye Naibu Spika wa Bunge Ndijobu Ndugai aliiomba Serikali ilifanyie kazi jambo hili na kuleta kauli ya Serikali haraka maana kidato cha nne wapo kwenye mitihani yao kwa sasa hivyo wanahitaji kujua hatma yao katika mitihani hii wanayoifanya.