BAADA YA KUWALIPUA WAUZA UNGA BUNGENI ESTER BULAYA AMESEMA HAOGOPI KIFO

   Ester Bulaya Mbunge Viti Maalum(CCM) ambaye alitoa maelezo binafsi Bungeni juzi kuhusiana na hali ya dawa za kulevya nchini na sheria zake zinavyopwaya na kuwalinda wafanyabiashara wa dawa za kulevya amesema kuwa haogopi kufa. Katika taarifa yake hiyo Bungeni Ester ametoa vielelezo mbalimbali vya jinsi wafanyabiashara hao wanavyotamba kwa kuwa na uwezo wa kifedha na kufanya lolote ili wasitiwe nguvuni na mkono wa sheria. Kwenye maelezo yake ametaja kesi mbalimbali za wauza unga jinsi walivyokwepa hukumu kwa mahakama kupindisha sheria kwa makusudi ili kuwaokoa.Vile vile amemtaja mwanadada Masogange jinsi anavyoendelea kutanua uraiani hali alipitisha mabegi takribani kumi na mbili ya viambata vya kutengenezea heroin katika Uwanja wa Ndege wa Mwalimu Julius Nyerere  Dar Es Salaam na kwenda kukamatwa nchini Afrika Kusini na sheria za dawa za kulevya hazimgusi kwa lolote toka arudi hapa nchini.Ester amesema sheria zina mapungufu na ameomba sheria za dawa za kulevya ziangaliwe upya na kuwe na Mahakama maalumu ya dawa za kulevya.

     Baada ya maelezo yake hayo Bungeni juzi Ester Bulaya amesema amepokea simu mbalimbali ikiwemo za kumpa pongezi kwa kulivalia njuga janga hili la dawa za kulevya na simu nyingine za kumuasa aachane kabisa na kazi za wauza unga vinginevya atapoteza maisha yake wakijaribu kufananisha hatua aliyochukua ni kama ya marehemu Amina Chifupa ambaye alisema yupo tayari kuwataja wauza unga Bungeni na baadaye alikumbwa na umauti kabla ya kuwataja wauza unga hao Bungeni.Mbunge Ester Bulaya amesema haogopi kufa kwani anamtegemea sana Mungu na kuongeza hata kama wakinipiga namna gani,wanipe sumu kali namna gani kama Mungu hataki nife basi siwezi kufa hivypo sitishiki kwa lolote mimi nitakufa kwa mpango wa MUNGU.