AZAM WAMTIMUA KOCHA WAO "STEWART HALL".

Kocha Mkuu wa timu ya Azam FC Stewart Hall raia wa Uingereza jana ameachia wadhifa huo baada ya Uongozi wa Azam kukataa kumuongezea mkataba mwingine baada ya kumalizika kwa mzunguko wa kwanza wa Ligi Kuu ya Vodacaom Tanzania Bara.

     Kocha Stewart ameiwezesha timu ya Azam kumaliza mzunguko wa kwanza ikiwa imeshika nafasi ya pili.Nafasi ya kwanza ikishikwa na bingwa mtetezi Yanga FC ya Dar es Salaam na huku nafasi ya tatu ikishikwa na Mbeya City toka Mbeya.

    Hata hivyo Stewart wakati anaaga wachezaji wake jana na benchi la ufundi baada ya mchezo wao na Mbeya City jana waliotoka sare ya mabao 3-3 amesema ameondoka Azam kwa roho safi na baraka zote za Uongozi kwa kuwa amepata kazi sehemu nyingine.

    Hata hivyo taarifa za ndani toka Azam FC timu yenye mafanikio makubwa hapa Tanzania zilinyetisha kuwa Stewart ilikuwa lazima aondoke,alikuwa anasubiriwa tu amalize mzunguko wa kwanza maana angeondoka katikati ya mzunguko wa kwanza ingekuwa ni tatizo kubwa kwa kuwa ingeweza kuwaathiri wachezaji kisaikolojia.

     Bado haijajulikana kocha huyo ambaye alishawahi kutimuliwa mara ya kwanza katika timu hiyo ya Azam siku za nyuma na kurejeshwa tena Desemba mwaka jana ataelekea wapi baada ya kutoka hapo Chamazi Complex.