ZITTO KABWE TAABANI NDANI YA CHADEMA AKIMBILIA MAHAKAMANI KUOMBA MSAADA.

Zitto Kambwe akitoka Mahakama Kuu jana na 

Mwanasheria wake Albert Msando.

  Hali imekuwa tete kwa Mbunge wa Kigoma Kaskazini Zitto Kabwe ambaye hivi karibuni ameingia katika mgogoro mzito na chama chake cha CHADEMA,na kuvuliwa uongozi na nyadhifa zote ndani ya chama hicho.

    Zitto aliandika barua ya utetezi kwa Baraza kuu la chama hicho akiliomba limpe nafasi ya kujitetea kufuatia kamati kuu ya chama hicho kumtuhumu kwa makosa 11 na kumvua nyadhifa hizo lakini Baraza Kuu halikumjibu barua yake na hivyo Kamati Kuu ya chama hicho leo ilikuwa na kikao cha kumjadili na inasemekana katika kikao cha leo lengo kuu ni kumvua uanachama wa CHADEMA.

    Kufuatia hali hiyo Zitto Kabwe alienda kufungua kesi Mahakama Kuu kupitia mwanasheria wake Albert Msando akiomba mahakama izuie Kamati Kuu ya CHADEMA kumjadili mpaka pale kesi yake ya msingi ndani ya CHADEMA itakaposikilizwa.

   Hivyo Mahakama Kuu ilikubali ombi la Zitto Kabwe na kumpa ushindi dhidi ya mwanasheria Mkuu wa CHADEMA Tundu Lisu ambaye mapingamizi yake yalitupiliwa mbali na Mahakama Kuu.

     Kitendo cha Zitto kukimbilia mahakamani kinaonesha kuwa hali ni mbaya kwa mwanasiasa huyo ndani ya CHADEMA na hakuna hata mtu mmoja wa kumkingia kifua ndani ya chama hicho ili kuweza kumnusuru na upepo mbaya uliompitia ndani ya chama hicho.Na sasa amekalia kuti kavu na yupo mbioni kutimuliwa ndani ya chama hicho mda wowote kuanzia sasa.