RAIS JAKAYA MRISHO KIKWETE AMJULIA HALI DKT MVUNGI MUHIMBILI.

                                 
                                                                               

         Rais Jakaya Mrisho Kikwete jana alimtembelea na kumjulia hali Mjumbe wa Tume ya Katiba Dkt Sengondo Mvungi aliyelazwa katika Hospitali ya Taifa ya Muhimbili kitengo cha mifupa MOI.Mjumbe huyo alikumbwa na mkasa wa kuvamiwa nyumbani kwake Kibamba Msakuzi nje kidogo ya jiji la Dar es salaam na watu wanaosadikiwa kuwa ni majambazi  siku ya Jumamosi 2/11/2013 saa sita usiku na kumjerui vibaya kwa mapanga sehemu za kichwani na usoni.

   Katika tukio hilo mbali na kumjerui Dkt.Mvungi watu hao walichukua bastola yake fedha na laptop anayofanyia kazi.Akizungumzia tukio hilo Mwenyekiti wa Tume ya Katiba Jaji Warioba alisema wao kwa sasa wanasubiri ripoti kutoka kwa vyombo vya dola.

Taarifa za awali toka vyombo vya dola zinasema tukio hilo ni la wizi tu halina uhusiano na kitu chochote kuhusiana na shughuli anazofanya Dkt.Mvungi.

 

Dkt.Mvungi akiingizwa  katika Hospitali ya Taifa ya Muhimbili jana Jumapili akitokea Hospitali ya Tumbi Kibaha.