USINGIZI HUU MAHALA PA KAZI NI NOMA.

     Kijana wa kampuni iliyopewa dhamana na Banki ya NBC kusafisha bustani ya Posta ya Zamani Mtaa Sokoine Jijini Dar es Salaam akiwa ameuchapa usingizi ndani ya toroli baada ya kuchoshwa na kazi kama alivyokutwa na mpiga picha wetu eneo la tukio. 

     Hali hii husababishwa na wafanyakazi wengi kuto kulala vema wakapumzisha miili yao,kwani wengi huamka alfajiri ya saa kumi usiku ili waweze kuwahi makazini kutokana na foleni kali ndani ya jiji la Dar es Salaam na kurudi majumbani saa nne usiku wakiwa wamechoka sana na kazi.

     Kwa hali hii ya kuchelewa kufika majumbani na kuchelewa kulala na kuamka alfajiri kunawafanya wafanyakazi wengi kuwa na uchovu wa ajabu wawapo kazini na kulazimika kulala sehemu za kazi na kudhoofisha utendaji wa kazi wenye tija maana hupunguza masaa ya kufanya kazi yaliyowekwa ili kufikia malengo.

  Tunaiomba Serikali kutilia mkazo mradi wa mabasi yaendayo kasi huenda yakaleta nafuu ya kimaisha kwa wafanyakazi  ndani ya Jiji hili la Dar es Salaam.