MAPOKEZI YA ZITTO KABWE KIGOMA YAMTIA KIWEWE DR.SLAA APIGA MARAFUKU MIKUTANO YAKE.

Mbunge Zitto Kambwe wa Kigoma Kaskazini aliyevuliwa nafasi zote za uongozi hivi karibuni katika chama chake cha CHADEMA amefanya mikutano mitatu(3)  mkoani Kigoma kuanzia Jumamosi akianzia Mwandiga alipozaliwa na kukulia,akaenda Kasulu na Jumatatu alikuwa Kigoma mjini katika eneo la Mwanga Uwanja wa Community Center ;huku akipata mapokezi makubwa kushinda aliyopata Katibu Mkuu wake Dr.Wilbroad Slaa alipofanya ziara mkoani humo.

     Kufuatia hali hiyo Dr.Slaa amempiga marafuku kufanya mikutano hiyo akidai  mikutano yake siyo halali anastahili kufanya mikutano yake Jimboni kwake tu Kigoma Kaskazini.

     Hata hivyo Zitto Kabwe alimjibu kwa kumpinga Dr.Slaa na kusema kwa mujibu wa Katiba yeye ni Mbunge na anaruhusiwa kufanya mikutano sehemu yoyote ndani ya Tanzania labda kama CHADEMA  imemfukuza katika nafasi yake ya Ubunge  basi waseme.

  Amesema ataendelea kufanya mikutano kama kawaida akitoka Kigoma ataenda Mpanda,Tabora,Shinyanga,Mwanza na ataenda mpaka Arusha pia.