ZITTO KABWE NA HOFU YA MPASUKO CHADEMA.

Mgogoro uliozuka ndani ya chama chenye nguvu ya upinzani hapa nchini CHADEMA, kati ya chama hicho na Naibu Katibu Mkuu wake Zitto Kabwe (Mbunge) unaleta hofu kubwa juu ya hatma ya chama hicho hapa nchini.

Mgogoro huo unatokana na walaka uliosambaa mitandaoni usemao "Ripoti ya Siri juu ya Zitto Kabwe" katika ripoti hiyo imeelezwa kuwa chama chake kilikuwa kinamchunguza Zitto kuanzia mwaka 2008 hada mwaka 2010 na kubaini kuwa Naibu Katibu Mkuu huyo alikuwa anapokea fedha kutoka chama tawala CCM  na kushirikiana na Usalama wa Taifa ili kuivuruga CHADEMA. Katika ripoti hiyo mtu mwingine anayetajwa kufanya hujuma hiyo ni Dr.Kitila Mkumbo mjumbe  wa Kamati Kuu CHADEMA.

Kufuatia taarifa hizo Zitto amekanusha vikali tuhuma hizo na kumwandikia barua Katibu Mkuu wa chama hicho Dr.Willbrod Slaa ili azikanushe,aseme kama ujumbe huo ni wa CHADEMA au kikundi cha watu wachache wenye lengo la kumchafua kisiasa na kama itagundulika kuwa taarifa hiyo ni ya kikundi cha watu wachache wenye lengo la kumchafua kisiasa Zitto amehaidi kuwafikisha kwenye vyombo vya sheria watu hao walioandika ujumbe huo.

Kufuatia sakata hilo hofu kubwa inazidi kutanda CHADEMA endapo Dr.Slaa atajibu na kusema ujumbe huo ni halali na umetolewa na CHADEMA na unaukweli ndani yake na wakauthibitisha.Hapo sasa sijui Zitto atachukua hatua gani na CHADEMA watachukua hatua gani acha tusubiri tuone mwisho wa sakata hili.