LEMA NA ZITTO KABWE WAGOMBANA KUHUSU POSHO.

 

Wabunge vijana na machachari wote wa CHADEMA Zitto Kabwe na Godbless Lema wameingia katika vita kali ya maneno kupitia mitandao ya jamii kuhusu masuala ya posho kwa vikao vya bunge.

Godbless Lema amekuwa kimtuhumu Zitto kuwa ni mnafiki mkubwa katika suala la posho ambazo anazikataa kwa vikao vya bunge ambazo kila kikao ni Tshs 70,000/= huku akipokea posho za vikao vya Mashirika ya Jamii kama mwenyekiti wa PAC ambazo ni kati ya Tshs (500,000/= - 1,000,000/=) kwa kikao kimoja.Lema alijinasibu kupitia walaka alioutoa kwa vyombo vya habari na mitandao ya kijamii kuwa kama Zitto ni mzalendo angekataa na posho hizo pia ili zikasaidie wajawazito,maji vijini,shule za kata na maendeleo mengine mengi.Aliendelea kumshambulia Zitto kuwa ni mnafiki na mtu anayetaka sifa  tu kwa wanachi wakati sifa hizo za uzalendo hana.

       Zitto kabwe akijibu tuhuma hizo kwa kuandika katika ukurasa wake wa "facebook" amesema yeye binafsi alishafunga mjadala wa posho toka 8/6/2011 alipoacha kuchukua posho ili isaidie katika maendeleo ya jamii kama mama wajawazito,shule za kata na maendeleo mengine mengi.Kama kuna mtu anachukia kwa uamuzi wake huo na achukie tu lakini yeye binafsi hatapokea posho hiyo ya vikao vya bunge.

      Wabunge hawa ambao wanamvuto mkubwa wa kisiasa hapa nchini wameamua kupigana vita hivyo vya maneno kupitia mitandao ya kijamii na vyombo vya habari bila kupitia vikao vya chama chao CHADEMA.Hali hiyo ya sinto fahamu imewashangaza wananchi wengi ambao bado wanatafakari mwisho wa vita hii katika mitandao ya kijamii itaishia wapi.