PAMBANO LA SIMBA NA YANGA LAINGIZA SHILINGI MILIONI MIA TANO.

 

Pambano la Ligi Kuu ya Vodacom kati ya watani wa jadi Simba na Yanga zote za Dar es Salaam lililofanyika Jumapili iliyopita katika uwanja wa Taifa jijini Dar es Salaam limeingiza kiasi cha shilingi 500,727,000.00.

Akitoa taarifa hiyo Afisa Habari wa TFF Boniface Wambura  amesema mashabiki walioingia uwanjani ni 57,422.Akizungumzia mgao katika mchezo huo alisema umekuwa kama ifuatavyo:Kila timu itapewa shilingi 123,025,564.32, kodi VAT shilingi 76,382,084.75 makato ya kiwanja asilimia 15 shilingi 62,555,371.69,tiketi shilingi 7,309,104,gharama za mechi 37,533,223.01 kamati ya ligi shilingi 37,533,223.01,mfuko wa maendeleo ya mpira wa miguu (FDF) shilingi 18,766.611.51 chama cha mpira wa miguu mkoa wa Dar es Salaam (DRFA) shilingi 14,596,253.39.